جامعہ اسلامیہ علامہ عبدالغنی ٹاؤن چمن
نماز میں آنکھیں بند کرنا
کیا فرماتے ہیں مفتیان کرام اس مسئلے کے بارے میں!
کہ نماز کے اندر آنکھ بند کرنا کیسا ہے، اگر بند نہ کرے تو توجہ ہٹ جاتی ہے، اگر بند کرلے تو توجہ پھر صحیح ہوتی ہے؟۔
واضح رہے کہ آنکھیں بند کرکے نماز پڑھنا مکروہِ تنزیہی ہے،البتہ اگر آنکھیں بند کرلینے سے خشوع اور عاجزی زیادہ ہوتی ہے، تو مکروہ نہیں، تاہم آنکھیں کھلی رکھ کر نماز پڑھنا زیادہ بہتر ہے؛ کیوں کہ (حالتِ قیام میں) سجدہ کی جگہ کو دیکھنا مسنون ہے اور آنکھیں بند کرنے سے یہ سنت ترک ہوجاتی ہے۔
لمافی"بدائع الصنائع:"
"ويكره أن يغمض عينيه في الصلاة ؛ لما روي عن النبي صلى الله عليه وسلم أنه نهى عن تغميض العين في الصلاة ؛ ولأن السنة أن يرمي ببصره إلى موضع سجوده وفي التغميض ترك هذه السنة ؛ ولأن كل عضو وطرف ذو حظ من هذه العبادة فكذا العين(343/2)
