واضح رہے کہ صورت مسئولہ میں اگر ٹینک 225 اسکوائر فٹ سے کم ہے، تو اس میں نجاست گرنے سے ٹینک کا سارا پانی ناپاک ہوچکا ہے اور اسے پاک کرنے کا طریقہ یہ ہے کہ ٹینک سے موجودہ نجاست اور اس کے اجزاء پانی سے نکالنے کے بعد ٹینک کو خالی کرکے اسے تین مرتبہ دھویا جائے اور ہر مرتبہ میں پانی کو نکالا جائے تو ایسا کرنے سے ٹینک پاک ہوجائے گا۔

اور اگر ٹینک کو دھونا دشوار ہو تو اسے پاک کرنے کا آسان طریقہ یہ ہے کہ پانی کو(جو ماء راکد کے حکم میں ہے) کسی طرح "جاری" کردیا جائے اور ٹینک کے پانی کو جاری کرنے کی صورت یہ ہے کہ ایک طرف موٹر چلا دی جائے، جس سے نیا پاک پانی ٹینک میں داخل ہونا شروع ہوجائے اور دوسری طرف اس ٹینک سے نکلنے والے پائپ کا کوئی سانل (ٹونٹی) کھول دیا جائے، جب اتنی مقدار میں پانی نکل جائے کہ اس پانی سے نجاست کا اثر رنگ، بو اور مزہ ختم ہوجائے، تب یہ پانی دخول اور خروج کی اس ترکیب سے "ماء جاری" کے حکم میں داخل ہوکر پاک ہوجائے گا۔

واضح رہے کہ اس ترکیب کو اختیار کرنے سے ٹینک، اس سے ملنے والی تمام پائپ لائنیں اور نل وغیرہ پاک ہوجائیں گے، الگ سے ان کو پاک کرنے کی ضرورت نہیں رہے گی۔

لمافی"المحیط البرھانی":

حوض صغير تنجس ماؤه فدخل الماء الطاهر فيه من جانب وسال ماء الحوض من جانب آخر كان الفقيه أبو جعفر رحمه الله يقول: كما سال ماء الحوض من جانب لآخر يحكم بطهارة الحوض، وهو اختيار الصدر الشهيد رحمه الله. وكان الفقيه أبو بكر بن سعدالله يقول: لا يحكم بطهارة الحوض حتى يخرج منه ثلاث مرات مثل ما كان في الحوض من الماء النجس، وبه كان يفتي ظهير الدين المرغيناني رحمه الله، ومن المشايخ من شرط خروج مثل ما كان في الحوض من الماء النجس مرة واحدة.(الفصلاالرابع،99/1)ط،دارالکتب العلمیہ)

وفی"الھندیة":

حَوْضٌ صَغِيرٌ تَنَجَّسَ مَاؤُهُ فَدَخَلَ الْمَاءُ الطَّاهِرُ فِيهِ مِنْ جَانِبٍ وَسَالَ مَاءُ الْحَوْضِ مِنْ جَانِبٍ آخَرَ كَانَ الْفَقِيهُ أَبُو جَعْفَرٍ - رَحِمَهُ اللَّهُ - يَقُولُ: كَمَا سَالَ مَاءُ الْحَوْضِ مِنْ الْجَانِبِ الْآخَرِ يُحْكَمُ بِطَهَارَةِ الْحَوْضِ وَهُوَ اخْتِيَارُ الصَّدْرِ الشَّهِيدِ - رَحِمَهُ اللَّهُ -. كَذَا فِي الْمُحِيطِ وَفِي النَّوَازِلِ وَبِهِ نَأْخُذُ كَذَا فِي التَّتَارْخَانِيَّة(17/1،ط رشیدیھ)