وعظ ونصیحت اور بیان کے سننے کے دوران استغفار، ذکرواذکار میں مشغول رہنا فی نفسہ جائز ہے، البتہ بیان سے کما حقہ استفادے کے لئے اور ذکر یکسوئی کے ساتھ کرنے کے لئے بہتر یہی ہے کہ وعظ ونصیحت کے وقت اس کو توجہ سے سنا جائے، یہ وعظ کے آداب میں سے بھی ہےاور استغفار ، درود شریف اور دیگر ذکر واذکارالگ وقت میں مکمل استحضار اور توجہ سے کیے جائیں، تاہم اگر کسی شخص کی توجہ ذکر کرنے کے ساتھ بیان پر بھی مکمل قائم رہی ہے، تو وہ بیان سننے کے ساتھ ساتھ دل میں ذکر واذکار بھی کرسکتا ہے۔

لمافی"شامیہ":

"في المسجد عظة وقرآن، فاستماع العظة أولى.

(قوله: فاستماع العظة أولى) الظاهر أن هذا خاص بمن لا قدرة له على فهم الآيات القرآنية والتدبر في معانيها الشرعية والاتعاظ بمواعظها الحكمية، إذ لا شك أن من له قدرة على ذلك يكون استماعه أولى بل أوجب، بخلاف الجاهل فإنه يفهم من المعلم والواعظ ما لا يفهمه من القارئ فكان ذلك أنفع له."

(كتاب الصلاة، 1/ 663، ط: سعيد )