جامعہ اسلامیہ علامہ عبدالغنی ٹاؤن چمن
مسجد میں داخل ہوکر لوگوں کو سلام کرنا کیسا ہے
کیافرماتےہیں مفتیان کرام اس مسئلہ کےبارےمیں!
کہ ہمارے ہاں بعض لوگوں کی عادت ہے کہ جب وہ مسجد میں داخل ہوتے ہیں تو زور سے سلام کرتے ہیں،کیا اس طرح کرنا جائز ہے جب کہ بعض لوگ نماز،تلاوت وغیرہ میں مشغول ہوتے ہیں؟۔
واضح رہے مسجد میں لوگ مختلف عبادات میں مشغول ہوتے ہیں۔بلند آواز سے عمومی سلام کرنا ان کو عبادات سے ہٹا کر اپنی طرف متوجہ کرنا ہے،لہذا ایسا کرنا جائز نہیں۔اگر کوئی اس طرح سلام کرے تو حاضرین کے لیے جواب دینا واجب نہیں ہے۔ہاں کوئی شخص ان کی طرف متوجہ ہو تو آہستگی سے صرف اسے سلام کرنے میں حرج نہیں۔
لمافی "الھندیة":
السلام تحية الزائرين، والذين جلسوا في المسجد للقراءة والتسبيح أو لانتظار الصلاة ما جلسوا فيه لدخول الزائرين عليهم ،فليس هذا أوان السلام، فلا يسلم عليهم، ولهذا قالوا: لو سلم عليهم الداخل وسعهم أن لا يجيبوه(5/325 ط,دار الفکر،بیروت)
