جامعہ اسلامیہ علامہ عبدالغنی ٹاؤن چمن
عورتوں کا غیر محرم مردوں سے چوڑی پہننا اور ہاتھ پاؤں میں مہندی لگوانا
کیا فرماتے ہیں مفتیان کرام اس مسئلے کے بارے میں !
کہ عورتوں کا غیرمحرم مردوں سے چوڑی پہننا،اور غیر محرم مردوں سے ہاتھ پاؤں میں مہندی لگوانا کیسا ہے؟-
واضح رہےکہ عورتوں کو غیر محرم مردوں سے چوڑی پہننا اور غیر محرم مردوں سے ہاتھ پاؤں میں مہندی لگوانا اشد حرام اور گناہ عظیم ہے ۔غیر محرم مردوں سے چوڑی پہننے والی اور مہندی لگوانے والی عورت اور چوڑی پہنانے اور مہندی لگانے والا غیر محرم مرد اور جو مرد اپنی عورتوں کو مذکورہ امور کی اجازت دے یہ سب سخت گنہگار اور عذاب نار کے حق دار ہیں ۔
لمافی"معجم الکبیر للطبرانی":
"معقل بن یسار یقول : قال رسول اللھ صلی اللھ تعالٰی علیہ وسلم : لان یطعن فی راس احدکم بمخیط من حدید خیر لہ من ان یمس امراۃلا تحل لھ” اھ)ـ